"მე არ ვქმნი სუნამოებს, აბაზანის პირსახოცებს და საბავშვო სამოსს. ნუ მომმართავთ თეთრეულისთვის, რადგან არ მაქვს და ვერ მიიღებთ. და თუ მიიღებთ, სულ ლაქიანს. ვცოფდები, როცა ყველგან ჩემს სამოსს ვხედავ. არ მინდა ყველას ჩავაცვა, რადგან ყველა არ მომწონს"

"ყოველთვის თანაბარი პირობების შექმნას ვცდილობ ქალებისა და მამაკაცებისთვის. ფემინისტი ვარ კაცის ტყავში. არ მინდა, ქალი სუსტ, მიამიტ, შიფონის ღრუბელში გახვეულ არსებად გამოიყურებოდეს. ეს სხვებმა აკეთონ. ჩემი ქალი ძლიერი უნდა იყოს და ნებისმიერ ზეწოლას გაუძლოს"

ტომ ფორდი – უნიკალური პიროვნებაა. დიზაინერი, მოდის სამყაროს საკულტო ფიგურა, პროვოკატორი, გამარჯვებული, გრიგალისებური ტემპერამენტის პატრონი. Gucci ხარისხობრივად სხვა დონეზე გაიყვანა, გაყიდვების 90%–ით გაზრდას მიაღწია, მერე კი – დიდი წარმატება საკუთარი მარკითაც მოიპოვა. ყველა ეს ფაქტი ტრიალებს იმ ჟურნალისტის თავში, რომელიც ტორონტოშო სასტუმრო Windsor Arms–ის კარს აღებს ინტერვიუსთვის, რომლის მოსაწყობად ათობით წერილი და სატელეფონო ზარი გახდა აუცილებელი.